Woody Allen | |
![]() | |
Allen in New York, 2006
| |
Geboortenaam | Allen Stewart Konigsberg |
---|---|
Geboorte | 30 November 1935 The Bronx, New York Stad, VSA |
Nasionaliteit | Verenigde State van Amerika |
Beroep(e) | Draaiboekskrywer, regisseur en akteur |
Aktiewe jare | 1950–nou |
Webwerf | woodyallen.com |
Internet-rolprentdatabasis-profiel |
Woody Allen (gebore Allen Stewart Konigsberg op 30 November[1][2][3][4] 1935) is 'n Amerikaanse draaiboekskrywer, regisseur en akteur van Joodse afkoms. Allen het vier Oscars, nege Bafta- en twee Golden Globe-pryse oor sy meer as 50 jaar lange loopbaan ontvang. Hy word as een van die mees gerespekteerde rolprentregisseurs van die moderne era beskou.[5]
Allen skryf sy eie draaiboeke en hanteer self die regie van sy films, en speel ook in die meeste daarvan. Die meeste van sy prente is tragikomedies met 'n droë, dog humoristiese trant, dikwels oor inwoners van New York met verhoudingsprobleme. Hy speel baie keer die rol van 'n verwarde, angstige karakter met gebrekkige selfvertroue.[6]
Van sy bekendste prente is Everything You Always Wanted to Know About Sex (1972), Annie Hall (1977) en Match Point (2005). Hy ontvang Oscars vir die regie en draaiboeke van Annie Hall (1978),[7] Hannah and Her Sisters (1987)[8] en Midnight in Paris (2012)[9]